阿仙奴今夏轉會窗淪為笑柄，其中一個原因就係同主力球員續約問題拖拖拉拉，好似阿歷士張伯倫拒絕續約，結果賣去利物浦；兩大主力阿歷斯山齊士同奧斯爾下年就約滿，宜家都未續約，如果約滿離隊，阿仙奴一蚊轉會費都收唔番。兵工廠領隊雲格吸取教訓，準備提早同2019年夏天先約滿球員傾續約，包括艾朗藍斯、施治等主力。

據英國傳媒報導，阿仙奴一向等球員合約只餘1年半先開始傾新約，但山神續約問題多多，又賣唔走，真係孭晒鑊，所以雲格準備今年聖誕之前，已經同2019年約滿球員傾新合，當中包括艾朗藍斯、施治、禾確特、韋碧克等。