皇家馬德里球星基斯坦奴朗拿度，噚日啱啱推出咗自家品牌香水，而今日就輪到巴塞隆拿球星美斯有新嘅代言廣告見街。美斯喺廣告度向兩位小朋友示範，著咗對神奇襪之後，用呢個玩具套裝入面嘅工具吹出肥皂泡，啲肥皂泡就點踢都唔會爆，仲可以好似美斯咁點控個波都得。美斯吹波波賣萌，唔知各位又buy唔buy呢？！