【黎小田設靈】Mani眼紅紅送別恩師 靈堂現黑底白點蝴蝶伏凳
霍汶希黎小田
英皇高層霍汶希(Mani)與老闆楊受成今日到殯儀館送別黎小田,他們逗留了約半小時後、在晚上6時多離開,他們臨走前一起到後堂瞻仰黎小田的遺容。
Mani其後眼紅紅受訪稱:「黎小田係我恩師,帶我入行,佢一直都好提攜啲後輩歌手,公司好多新人,都會帶畀佢見,佢都會畀好多意見。(最後一次見黎小田係幾時?)喺醫院嘅時候,當時係佢(黎小田)臨走前一個禮拜,(當時佢嘅情況係點?)佢嘅情況我就唔講喇,但我頭先見到佢好安詳,我都感到好惋惜,佢係一個好有才華嘅音樂奇才。」
提到靈堂氣氛,Mani指很平和,她又透露:「頭先喺靈堂更出現咗一隻蝴蝶,黑色有白點嘅,佢伏咗喺靈堂嘅凳上面,由5點幾到而家,一大班朋友都圍埋去,同佢講拜拜。」Mani又提到自己有幫黎小田誦經,希望他一路好走。
Mani表示當年由黎小田帶自己入行,其後公司有新人也會帶給對方見。