陳嘉上執導《飛虎雄心》後，對特種部隊戲種有份情義結，尤其想以佢嘅偶像戚繼光，堪稱中國史上首隊特種部隊始創人作題材拍攝。直至三年前于冬問佢有冇興趣拍，就促成電影《蕩寇風雲》。

由寫劇本到審批都冇遇上阻礙，佢想靠此戲去填補歷史上欠缺部份，佢話：「我去咗兩次日本平戶市，搵倭寇落水上船嘅地方，睇吓倭寇首領汪直，跟當時松蒲番番主未有提及關係，又去浙江幾個重要戰場視察。」洪金寶與趙文卓兩位武術高手助陣，但陳嘉上親自編寫戰爭場面，連武器道具出現序也求真，貼近史實，無假手於人。

未計後期製作，拍攝費用約一億二千多萬，佢話：「當時我好克制，成本減少五千萬，我驚收唔番本，因為o係國內呢類唔係流行嘅戲，我都要照顧市場，唔可以畀老闆蝕錢。」事實上，佢承認喺內地票房唔係好好，會否跟內地演員Case唔夠勁？佢話：「呢幾個演員喺內地唔係當紅演員，但係我從來都係咁，當年帶住王敏德拍《飛虎雄心》，大家諗住你死梗啦，能夠拍完就算，拍好佢，整個心情非常類似。」

近年內地出現不少俗稱「抗日神劇」，陳嘉上承認對佢哋影響好大，好多內地人見到此題材就會將之歸類為「抗日神劇」，甚至有篇報道批評寫佢為咗寫部娛樂片，夾硬作戚繼光怕老婆，我心諗這正正歷史出名嘅事。陳嘉上睇過唔少「抗日神劇」，佢話：「有啲係好好睇，唔係咁脫節，最難搞係將超級英雄放咗入歷史裏面，正如美國隊長都係神劇，不過佢一擺出嚟就係虛構，唔好當歷史睇，我唔反對神劇，點解中國唔可以拍美國隊長類型嘅題材。」

最後佢總結史上曾經有位一生打咗八百幾場仗未輸過將軍，又係發明好多武器嘅科學家，兼寫下好多兵書，曾經有段日子將見到倭寇就跑嘅明軍，三、四年間變為倭寇見到明軍便跑，我就將佢嘅故事帶畀大家睇。