當年今日
關於我們

【陶冶性情】社會氣氛唔好 才子陶傑建議大家畫吓畫

蘋果日報 2017/09/29 20:54

黃秋生陶傑書畫聯展

陶傑、李純恩、翁狄森、羅啟妍、戴尚安今日喺灣仔會展出席書畫聯展,陶傑、李純恩、黃秋生喺同一個攤檔賣畫,雖然秋生冇出現,但係佢嘅作品銷情都唔錯,只係一啲簡單嘅字,都賣咗八九成。
陶傑有畫畫嘅習慣,佢賣嘅係一啲舊街景畫作,有70年代舊樓、漁村,佢話:「有啲係舊年畫,有啲唔捨得拎出來,展覽吓,有人買就賣,我有畫水墨畫同鋼筆畫,會帶畫板去寫生,人死咗都帶唔到落去棺材,有人欣賞賣咗無妨,o依家社會風氣唔好,氣氛又緊張,我都建議下大家作吓畫。」李純恩就拎咗6幅畫出來賣,佢話:「都係去旅行嘅畫作,之前自己開過一個畫展,陶傑同秋生都有來,喺友人建議之下促成我哋三個呢個畫展。」
同場嘅仲有翁狄森同戴尚安,翁狄森喺展出當代中國首飾,佢話:「當代中國首飾,消失咗一百年,其實中國古代首飾好多年好出名,好多人唔知中國有設計呢樣嘢,自己努力做緊。屋企阿女兩歲,有得到我設計真傳。」佢透露老婆Coco煮嘢食叻,最近阿一收佢做第一個女徒弟。問佢會唔會追仔?佢話:「唔會集中火力,一個就夠。」戴尚安嘅畫展係展出動物畫作,當中係融合VR技術,佢話:「係香港最初開發嘅技術,投資咗一定金額,係好初步,來緊再有一個發展。」
empty
陶傑同李純恩
empty
陶傑嘅畫作
empty
黃秋生嘅作品
empty
翁狄森
empty
戴尚安