8月擂台與藍鑽石、牽牛鬥得刺激，玩得開心，最後3位錄得盈餘過終點。相信不少讀者會認為，名家5萬分作底分，跟足一個月先贏得雞碎咁多，無不抱怨；實情牛兄有28.4%盈利，其實難度不細。
有謂長賭長輸，波友大可一試每月掏出1,000元作本，每日逢有足智彩開盤必須落注，注碼多少由自己定；我可大膽講，日日拿真銀出擊的話，月尾輸錢機會極大。畢傑一直唔主張讀者跟足全個月，如心水相同，才不妨拿多少落注。以下與大家分享個人愚見及賭波心得。

一向忍手專攻球會賽

首先，我不會日日賭，兼不太喜歡以過關出擊；而每周的第一口通常大注吼「讓球」或「大細」，如命中了，第二口就會至少縮一半注碼。至於本人一向忍得手，假若當日欠缺心水場次，一定關掉電腦提早入睡，無謂為娛樂而賭。
嚟緊國際賽檔期非我主項，也甚少落注，如果波友與我一樣只攻球會賽事，不妨齊齊忍一忍手，或者結果是福。愛隊巴西將大戰阿根廷，就算周日朝早8:30開波，也照樣睇埋先瞓。會否投注？當然不會，與朋友打牙骱就ok，不知何解會看高阿根廷一線。
此外，兩位老友守丹與視而不見文筆甚佳，推薦各位多多留意他們的專欄。
文：畢傑
本報名家
電郵：[email protected]
逢周二、五見報