星級媽媽母親節各自精采
麥家琪、羅敏莊挺巨肚搵食

蘋果日報 2012/05/13 00:00


龍年娛圈藝人排住隊生龍B,令今個母親節亦變得份外熱鬧。其中快將第三度為人母的麥家琪,前晚陀住8個月大巨胎,揸車接送囝囝與親友到福臨門食飯慶祝。至於懷胎4個月的羅敏莊和趙頌茹,昨日則選擇在工作中度過,趁母親節搵奶粉錢。
先後為大律師老公王國豪誕下兩子的麥家琪,將於下月為老公再添B女。前晚母親節前夕,麥家琪挺住8個多月巨肚與長子Johan和親友到灣仔福臨門食晚飯慶祝。雖然麥家琪腹大便便,但前晚8時許仍親自駕駛平治房車接載長子到場,但未見其丈夫和二子Enoch影踪。
empty
有8個月身孕的麥家琪,前晚與大仔和親友到福臨門食飯慶祝。
empty
羅敏莊已懷有4個多月身孕,但昨日母親節仍開工搵奶粉錢。
empty
周永恆昨日傍住懷4個多月身孕的太太趙頌茹出席活動。
齊開工搵奶粉錢
麥家琪與囝囝逗留至晚上10時許離開,之後她先送一老人家到鰂魚涌,然後到土瓜灣油站入油後,再驅車返回深井碧堤半島寓所。
除麥家琪外,羅敏莊和趙頌茹亦將於今年生龍B。不過,昨日母親節,二人卻選擇在工作中度過。
與老公陳國邦結婚後首度懷孕的羅敏莊,昨午到尖沙嘴為《TVB周刊》舉行的「母親節午宴暨母親至愛品牌頒獎禮」擔任司儀。她表示現時有身孕4個多月才開始嘔吐,較一般孕婦遲了許多。問會否減少工作時,她笑說:「唔會,因為做嘢可以分散注意力,唔會覺得唔舒服。」究竟腹中是仔是女?羅敏莊說:「照咗,但未知,醫生叫我休息多啲,話我唔夠羊水。其實都唔係大問題,因為黎瑞恩當年都唔夠羊水。」
empty
吳家樂與太太周蕙蕙日前湊完孖仔上堂後拍拖行街。
趙頌茹怕仔變女
已有一女的趙頌茹昨與老公周永恆出席佐敦舉行的「全能媽媽盛宴」,她表示腹中BB還有數天便足5個月,問是仔還是女時,她說:「之前照過好似係細佬,但近日照又話似女,我怕話係仔,到時變咗女嗰陣接受唔到,所以都係唔理咁多。」身旁的周永恆則說:「有仔有女當然好,但女都冇所謂,啲衫到時仲可以着得番㖭。」另外,同樣將為人母的郭羨妮昨日在微博留言:「祝天下母親母親節快樂,下一年我有女兒跟我慶祝了。」
此外,吳家樂與其士集團太子女周蕙蕙婚後先後育有長女和一對孖仔,日前周蕙蕙先帶孖仔到銅鑼灣禮頓中心上playgroup,放低孖仔後,她便與家樂會合到附近Uniqlo買衫。掃完一輪貨後,兩公婆再到餅店買餅,然後折返中心陪孖仔。
採訪、攝影:黃曉程、羅德光、黃曉妍、楊潔雯