之不過要求高嘅老細們也起碼要懂得要求,即係知道夥計嘅能力與質素,最重要嘅係知道想達至邊一個結果。有啲腦細嘅老細,根本係茂利一名,根本唔知想點,亦唔知道件事出嚟會係點,盲目地亂指一通,亂咁要求一通,打着呢種老細工,確係唔好彩,惟有唱句為「兩餐乜都肯制,前世」。若然閣下嘅老細有要求、懂要求,知人善用,對打工仔嚟講係一件好好嘅事,因為跟着呢種老細,應該好多嘢學。
尤其係後生仔,千祈唔好以一句老細要求過高做藉口就放軟手腳,老細其實袋錢入你袋都唔知。有要求係好事,盲目要求是戇居事,就像打邊爐跟打屎忽一樣,差少少就差好遠。