梁雪湄今日喺柴灣為ViuTV節目《晚吹-喵喵喵》錄影，佢透露2014年喺耶加達試過成功救過一隻當時只有兩星期大嘅貓仔。

講到近況，梁雪湄表示除咗有餐廳生意外，仲會周圍飛做Blogger：「上個月先去完越南、新加坡、日本同泰國，今個星期餐廳開張，所以返嚟籌備下，7月又去意大利，9月去印尼考潛水牌。」

現時梁雪湄同一個英國男友拍拖，佢笑指男友有時會同行，問到有冇結婚計劃？佢話：「暫時未，都ok嘅，不過我哋有共識。」講到佢不時喺網上大晒泳衣照，露出G Cup上圍，網民大讚佢依然樣靚身材正，佢笑住話：「多謝，我去到外地，都會著三點式，因為我要喺外地先買到啱我size嘅內衣同泳衣，喺香港已經買唔到好多年。」

梁雪湄於1998年與李思蓓、任港秀、姚樂怡等組成無綫「電波少女」，為大台咪神元祖(新聞連結： https://bit.ly/2xJGodL )。

精選娛聞，喺晒《娛果》
http://fb.com/appledailyent