型男方中信日前飛到杭州，出席Linx皇家遊艇俱樂部舉行晚會，「方中Sir」魅力非凡，當佢現身會場時惹哄動，唔單止女士們一擁而上，就連唔少西裝男都被方中Sir魅力迷倒，熱情地同佢玩自拍又握手，男女通殺，而方中Sir表現親民，任影唔嬲，不過因為太多賓客及粉絲，令佢重重被困，為免出現混亂，大會出動保安護送佢提早離開。

雖然方中Sir僅逗留逾半小時，大家只能一睹呢位型男真面目，唔少賓客激讚佢有型靚佬，而有女粉絲更依依不捨捉住佢隻手不放，對於粉絲表現熱情，方中Sir答應以後會多到杭州，同佢哋見面，果然體貼喎。