【唔識感恩】唔聽志雄哥教誨 負皮王唯唯自認囂張抵死
蘋果日報 2015/11/17 06:00
蘋果梁烈唯唯唯即時大佬B吳志雄負皮王范後感
(資料圖片)- 負皮王唯唯：「係因為我有能力啫，你試吓求其搵個0靚仔睇吓做唔做到我咁？」（真實對白）
- 當年唯唯得志雄哥力捧，一入行就擔正做《監獄風雲之少年犯》嘅男主角。（劇照）
- 有指唯唯早兩前參演《古惑仔：江湖新秩序》亦係得志雄哥帶挈。（劇照）
- 有指志雄哥日前透過朋友回應，指唔想再提起唯唯！（資料圖片）
負皮王梁烈唯最近除咗掀起cut卡潮之外，今日又有周刊爆料話當年捧唯唯擔正做電影男主角嘅恩師、人稱「大佬B」嘅吳志雄都睇唔過眼，話唔想再提起呢個0靚仔。(新聞連結: http://bit.ly/1l1SCCQ )
其實喺幾年前，唯唯曾經都喺大台節目《范後感》提過志雄哥。唯唯講過，當時因為由細睇到佢大嘅契媽認識志雄哥，又知佢想入娛樂圈，所以就安排咗試鏡機會，就係咁，唯唯擔正做《監獄風雲之少年犯》嘅男主角，之後仲帶挈咗佢接連拍咗四部電影。
喺訪問入面，唯唯都承認喺戲中佢只係做番自己，所以做得入形入格，當時更自以為做得好好。唯唯形容嗰陣嘅佢，係態度囂張，目中無人，仲話：「0依啲咁嘅0靚仔，抵死㗎！」
唯唯自認當時態度有問題，仲提到對佢有知遇之恩嘅人志雄哥，佢話：「當時冇感恩，唔覺得佢畀我嘅機會，我覺得係理所當然，係因為我有能力啫，你試吓求其搵個0靚仔，睇吓做唔做到我咁？」
節目中，唯唯又自爆當年同志雄哥最後一次合作拍電影嘅情景。話說有一日，拍完一場戲，一齊收工，志雄哥叫唯唯陪佢一齊去桑拿，仲叫佢不如唔好返屋企啦，一齊傾吓偈。唯唯雖然都有去，但就冇留低聽志雄哥講嘢。
唯唯憶述：「嗰晚佢（志雄哥）好想同我講一啲好真心說話，想點醒我，佢真係當我仔一樣，但當其時唔識諗，我走咗冇回頭望到佢反應，但我諗佢當時反應應該好傷心，覺得呢個仔已經冇得救，佢唔會返到轉頭，好似係分開咗嘅關係。」
其實喺幾年前，唯唯曾經都喺大台節目《范後感》提過志雄哥。唯唯講過，當時因為由細睇到佢大嘅契媽認識志雄哥，又知佢想入娛樂圈，所以就安排咗試鏡機會，就係咁，唯唯擔正做《監獄風雲之少年犯》嘅男主角，之後仲帶挈咗佢接連拍咗四部電影。
喺訪問入面，唯唯都承認喺戲中佢只係做番自己，所以做得入形入格，當時更自以為做得好好。唯唯形容嗰陣嘅佢，係態度囂張，目中無人，仲話：「0依啲咁嘅0靚仔，抵死㗎！」
唯唯自認當時態度有問題，仲提到對佢有知遇之恩嘅人志雄哥，佢話：「當時冇感恩，唔覺得佢畀我嘅機會，我覺得係理所當然，係因為我有能力啫，你試吓求其搵個0靚仔，睇吓做唔做到我咁？」
節目中，唯唯又自爆當年同志雄哥最後一次合作拍電影嘅情景。話說有一日，拍完一場戲，一齊收工，志雄哥叫唯唯陪佢一齊去桑拿，仲叫佢不如唔好返屋企啦，一齊傾吓偈。唯唯雖然都有去，但就冇留低聽志雄哥講嘢。
唯唯憶述：「嗰晚佢（志雄哥）好想同我講一啲好真心說話，想點醒我，佢真係當我仔一樣，但當其時唔識諗，我走咗冇回頭望到佢反應，但我諗佢當時反應應該好傷心，覺得呢個仔已經冇得救，佢唔會返到轉頭，好似係分開咗嘅關係。」