正當大家準備品嚐賀年美食糕點時，余香凝卻要遠離美食，她今日到新城接受訪問，她透露完成工作便可以收爐過年，到年初五才開工。每年都習慣跟媽咪行花市買年花，她表示收工後便約媽咪去買年花，並叮囑媽咪到人多地方一定要戴口罩，因為長輩經常怕焗而不戴口罩，她說：「媽咪仲話今年唔買桃花，免得惹爛桃花，不過我同細妹（余潔瀅）都話唔得，因為呢行人緣好重要。」

新春期間要努力做功課之餘，還要戒糖戒油勤力健身，她說：「我都肥咗年幾，今次因為要開騷，會有更力動力去減，以前都有腹肌，而家就唔敢露腰。」家人為了支持她連賀年糕點也沒有買，問到是否以練到有腹肌為目標？余香凝滿有信心說：「以前擁有梗係要有，希望唱快歌時可以靚啲性感少少。」至於會否騷其他部位，她笑指擔心再瘦便沒有甚麼可騷。音樂會主題是第一次約會，她希望以舞台劇形式，將觀眾變成初次約會對象，然後用演戲及歌曲分享感受，因為她擔心自己直接講感受會忍不住喊而影響唱歌。

此外，余香凝早前與細妹余潔瀅及同公司的女子組合Super Girls（SG）及麥子樂等抽空食團年飯，順道拜個早年。由於各人工作繁忙，這頓團年飯早於一個月前便約定，SG隊長趙慧珊（Aka）笑說：「大家都好忙，所以之前約咗好耐，睇吓邊日OK，已經好耐無咁齊人，希望過年時都可以約到一日大家一齊拜年。」

適逢本月中是麥子樂的40歲生日，7位靚女特別準備蛋糕為他補祝生日，當麥子樂許願時，眾人都爭相一齊許願，鬼馬的麥子樂見狀即把生日蛋糕蠟燭吹熄，令SG趕不及許願。麥子樂感動眼濕濕說︰「真係幾感動，有咁多女同事同我慶祝生日，生日願望係希望大家工作順利，未來一年好好把握機會，最重要當然係過得開心同健康。」

SG笑指麥子樂的生日願望還有找個女朋友，早日成家立室結婚，SG成員陳穎欣（Yanny）說︰「其實大家一齊許願，都係為咗麥子樂，大家都想佢快點搵到女朋友，點知佢以為我們好貪心，我們真係用心良苦的。」眾人當中又不停向剛為人妻的SG成員蔡明思（Jessica）拜年，Jessica笑言要到台灣拜年後才安排大家拜年逗利是。

採訪、攝影：馬建華

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇