前無綫新聞部「淚眼小花」黃紫盈，昨日到旺角出席密室逃離遊戲活動。紫盈BB目前幕前及幕後工作都有兼顧，原來她的正職是環保PR marketing工作，稍後要去泰國開會。提到前無綫PA偽文豪出書狂爆無綫臭史，紫盈BB聞言說：「好多朋友睇咗，當故事咁睇，本書講娛樂，同新聞部唔同。」

「新聞部幾神秘」

有沒有人請紫盈寫書爆料？她說：「未有咁嘅諗法，都冇人搵。」當日她在鏡頭前忽然落淚，引起不少揣測，令不少人對新聞部感興趣，她也坦言：「係呀，新聞部都幾神秘，之前都有人問我，係咪自己化妝set頭。是非喺邊個部門都有人有興趣知，但就冇人搵我寫。」
對於無綫前PA出書爆料，身為義氣仔女的張智霖也有留意報道，他說：「記得我拍戲都發過牢騷，我發覺好多事件，道理喺晒你嗰邊，啱晒又點，可以用愛去包容大家，關係會更和諧，正所謂贏一場交又點呢？」他覺得吳卓羲態度沒問題，林峯也很有禮貌。」
採訪：譚倩宜
攝影：仇志德