【新增動新聞】
曼聯禮拜日喺曼徹斯特市打吡主場迎戰同市宿敵曼城，紅魔鬼領隊摩連奴賽前向執法球證米高奧利華提出警告，要佢小心提防經常插水嘅曼城球員，喺奧脫福重施故技。

摩佬喺禮拜五嘅賽前記者會表示，曼城球員的確係好容易就會失去平衡。咁啱今場嘅球證米高奧利華喺對上五場曼聯嘅比賽，就罰咗紅魔鬼三個12碼，摩佬唔擔心就勢係假。佢話：「曼城係好波㗎，守得好，失去控球之後嘅反應好好，進攻又有機動性、有創意，球員好波領隊又勁，有好多好好嘅嘢。不過有一樣我唔多like嘅就係佢哋嘅球員好易失去平衡，係有風吹下都會跌低果隻囉。」

摩連奴亦都唔係第一位作出呢種指控嘅領隊。般尼領隊戴治之前都話過曼城嘅貝拿度施華喺今年10月呃咗個12碼，阿仙奴領隊雲格上個月亦都指史達寧插水博12碼。

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM