靚靚準媽咪官恩娜（Ella）今日陀住大肚出席活動，佢話囝囝係一個巨B，自己就肥咗10幾磅，Ella又謂已進行胎教：「行緊街都同佢傾偈，我同先生又用中、英同法文錄咗啲故仔畀佢聽，平時又會唱歌佢聽。以前肚痛先會咕咕聲，0依家佢會踢我，覺得入面真係有個人仔。」

佢又笑指自己懷孕後似有過度活躍症，老公已禁止佢日日出街，所以現時限制自己每星期最少留一日在家，Ella搞笑謂：「我以前唔鍾意出街，0依家瞓醒就諗去邊，成個人都變哂。」佢又自爆日前先買兩對5吋高跟鞋，又在家中爬梯做家務，哇，小心啲好喎﹗