大台曾勵珍擸盡小生花旦視帝視后拍嘅重頭劇《誇世代》，拍劇以嚟，是非不絕，先有曾勵珍，劉家豪同梅小青同一時間拍重頭劇，繼而爆出內鬥。事緣《誇》劇男主角之一嘅陳豪，原本應承回巢嘅劉家豪拍《溏心風暴3》，但有傳曾勵珍出手，最後成功撬走陳豪，仲搵埋歐陽震華、田蕊妮仲有江美儀等人拍《誇》，「搶人潮」搞到外強中乾，最後梅小青套劇更要搵嚟大批外援周秀娜、劉心悠、羅霖同張慧儀拍《深宮計》。(新聞連結： http://bit.ly/2p2QAWN )

之後，早排高調戀鄭俊弘嘅何雁詩，因情緒病而辭演《誇世代》，但何雁詩辭演呢段時間，拍嘅戲份都係集中晒喺佢身上，廠期都有晒，但何雁詩稱病，監製惟有放行，臨時臨急搵蔣家旻頂何雁詩個角色，廠期都要delay，搞到冧晒檔，何雁詩嘅戲份亦需要重新拍過。