【有理由買新iPhone】在意大利被偷手機 鄧麗欣:完全見識扒手的厲害
鄧麗欣扒手佛羅倫斯
歐洲真係好多扒手!之前去咗米蘭睇時裝周嘅鄧麗欣(Stephy),昨晚在社交網晒成萬蚊嘅新手機相,寫道:「在佛羅倫斯的紀念品!話說其實我都想換新埃瘋,但係都不用咁趕急俾個藉口我買,意大利扒手的厲害我完全見識到了!拿份報紙走過來給我看,說兩句我聽不懂的話,手機就不翼而飛!大家來旅遊真的要格外小心!」
阿Q精神嘅Stephy自我安慰:「換手機的藉口!放手!放開所有!」不過,好姐妹區文詩就留言取笑:「你好似次次去歐洲都有嘢唔見!」Stephy即刻反駁:「邊有次次!」有網民就加入圍剿:「你就唔可以小心D咩,上次就唔見passport、銀包,今次就唔見手機,下次會唔會連人都唔見埋㗎!你同我小心D啊!鄧麗欣!!!」
好在唔見iPhone都可以即刻上網刪相,唔怕私密照外洩,Stephy惟有當破財擋災啦!
買咗新手機嘅Stephy活躍ig,今日下午貼新相並留言:「Happy to visit the fantastic store LVR in Florence yesterday