【記錄成長過程】胡杏兒珍惜與兒子相處時間 大仔遺傳演戲基因
蘋果日報 2020/06/23 16:55
胡杏兒李乘德李奕霆李奕霖
胡杏兒在2015年與李乘德（Philip）結婚，婚後誕下哥哥李奕霆（Brendan）和弟弟李奕霖（Ryan），杏兒婚前一直是工作狂，不過自從做了媽咪後，學懂了在工作與家庭之間取得平衡，工作之外，爭取時間與一對寶貝相處。
因為武漢肺炎的關係，不少行業停工，又或者只是有限度的工作，杏兒感恩在疫情肆虐下，依然有工作，而同時多了時間和家人相處：「我盡量喺唔使開工嘅時候，抽時間陪兩個仔，小朋友成長得太快，更加珍惜一家人相處嘅寶貴時間。」為了記錄成長過程，杏兒經常將仔仔搞笑的一面拍下來，不時在社交平台與大家分享：「其實我哋拍咗好多仔仔嘅片，大家見到我post嘅只係百份之一，相信每個家長都會咁做，希望留低多啲小朋友嘅回憶；同時好感恩大家喜歡Brendan同Ryan，兩兄弟性格好唔同，但一樣係happy baby，帶咗好多快樂畀我哋，所以有時share出去，係希望將呢份快樂傳俾大家。」杏兒亦表示因為停課的關係，Brendan在屋企睇多了電視：「佢近排佢學識跳《江南style》，又識跟拍子同擺pose，可能真係遺傳咗我嘅基因，哈哈！」
早前杏兒為成人護理產品拍攝廣告，她表示一點都不覺得尷尬：「其實尿滲係一個正常同普遍嘅問題，大家唔需要覺得羞恥或者怕羞而唔去面對呢個事情，因為唔處理嘅話可能會發生更尷尬嘅事情，大家應該用正確方法面對，有需要而用到尿滲護墊乃很正常嘅事，就等於我哋面對疫情一樣，要不時給自己正能量。」
杏兒日前為細仔舉行生日會。（IG圖片）
杏兒珍惜與兒子相處時間。（IG圖片）
杏兒笑言大仔遺傳了她的表演細胞。（IG圖片）