JW（王灝兒）噚晚喺銅鑼灣出席活動，原來JW本身係一個鞋癡，屋企收收埋埋有過百對鞋，仲擺咗好多鞋盒喺床邊，佢話：「搞到我爹哋媽咪都好頭痕，叫我唔好再買，不過我家姐就嚟結婚，我可以霸埋佢間房擺鞋！」

講到家姐結婚，JW話：「我好戥佢開心，今次係我第一次做伴娘，原來好多嘢要做，之前同家姐周圍去試衫睇。」

講到舊老闆黎明開騷，佢話：「我已經問咗，等緊以前嘅經理人覆我，佢話會幫我安排。我自己都希望請佢嚟睇我自己個騷，佢係我恩師，冇佢又點會有我。」