「雙學三子」身陷囹圄之時，被三子賦予政治意義的公民廣場卻重開在即。一直傾向重開政府總部東翼前地（俗稱公民廣場）的特首林鄭月娥，月初曾指3個月內就重開作決定。消息指，林鄭或在10月中發表首份施政報告或之前宣佈決定，但考慮到管理問題，料只作有限度開放，例如每日僅開放特定時段，同時未必會拆走圍著廣場的鐵欄；有建制派歡迎作有限度開放，民主派認為應考慮全面重開。

記者 呂浩然

港府曾承諾原則上會24小時開放予公眾使用的公民廣場，於2014年7月中開始興建鐵欄，其後經歷過重奪公民廣場一役，此後就成為民眾不能涉足的禁地。直至今年初林鄭角逐特首表態可考慮重開，然後月初更設下3個月內作決定的時限。

消息透露，林鄭最快在10月中發表首份施政報告或之前，公佈重開公民廣場的決定，據了解，政府從管理角度考慮，將來重開後亦只在日間至晚上特定時間開放，免全日開放或有人在廣場「過夜」，認為開放特定時段已足夠讓市民到場請願、示威等；亦因作時限性如此，傾向不會拆走已豎立3年多的鐵欄。

有份提倡重開公民廣場的民建聯立法會議員劉國勳指，目前關閉了的廣場「唔係咁好睇亦都唔方便」，甚至影響了政府威嚴，他贊成開放特定時段，指有人到政總表達意見亦應有合理時間，舉例指「凌晨3點嚟，其實政府收晒工，或者其實都冇人喺度嘅時候，佢（請願者）都係冇嘢可以真係表達得到」。

但他對應否拆走鐵欄持開放態度，認為可由當局按保安和管理需要決定，以舊政府總部西翼都有圍欄解釋，「就算佢（政府）開放咗（公民廣場），未必將個圍欄拆嘅時候，其實都比過去嘅（舊政總）西翼方便咗」。

公民黨黨魁楊岳橋批評僅開放個別時間及不拆走鐵欄是「開啲唔開啲」的做法，倒不如撇脫一點全部開放。他指該鐵欄是前特首梁振英時代所建，「如果你（林鄭）真係想同梁振英任內告別，同梁振英呢種暴政切割，就將佢起嘅嘢即刻攞走」，同時又反駁指舊政總西翼的圍欄是前特首董建華時代興建，「點解港英政府經過六七暴動都唔起，去到董建華年代和和平平嘅時候佢反而要起？」。

楊認為「方便管理」只是借口，因一旦有人在廣場留守，當局大可要求警方清場，「如果政府真係咁睇唔過眼，如果民意真係認為佢哋係唔應該咁做，第一，市民自然會走，第二，政府真係要做到，使乜靠呢個圍欄？」。

林鄭重新考慮重開公民廣場時序

3月初：
接受《蘋果》訪問時稱，「如果我成為行政長官，我係好願意重新同我保安同事去研究，係咪仲有咁重大保安理由，要將呢個建築物本來係開放式，變成現時較封閉式。」

7月初：
與傳媒高層茶敍時形容，重開公民廣場涉及保安問題外，更關係「行政機關Dignity（尊嚴）」

7月初：
於行會前表明重開公民廣場問題上，「我傾向用一個開放啲嘅態度係比較適合」

8月初：
於行會前指希望三個月內對重開公民廣場有決定

資料來源：《蘋果》資料室