楊千嬅及吳彥祖日前在由警察部借出的軍營內，拍攝由馬偉豪執導的新片《新紮師妹》，該場戲講述扮演女警的千嬅進行步操，而電影公司為求逼真，特別安排真輔警一同步操。
不過拍攝期間，有一位女特約演員暈倒，最巧合的是千嬅事前曾戲言冬天太陽也如此猛烈，一旦「中暑」，大可成為創舉，估不到一語中的，變成烏鴉嘴。
邊拍邊叫苦
在烈日當空下拍戲的千嬅邊拍邊叫苦，她一有空就躲在陰暗處休息。千嬅接受訪問時說：「今朝早開工，已經諗咁曬會唔會暈倒，如果冬天都中暑，可以幫仁濟籌款做創舉啦。」
千嬅講完這番話不久，即有特約演員暈倒，她說：「我唔係想咒人，咁都噏得中，真係要去買六合彩。」
膝頭頂下體
首次扮女警兼學步操，千嬅說：「拍之前學咗半個鐘，原來要操得齊真係好難，重有真輔警一齊操，好大壓力，不過咁都唔夠有場戲講我同教官敬禮，點知提起膝頭撞到阿Sir下面，到時唔識就力，就真係好尷尬。」
不過到正式拍攝膝頭撞警官場面時，卻有替身代千嬅頂上，導演馬偉豪說：「我驚佢（楊千嬅）真係唔識就力撞親人，用替身都冇問題。」