出爐金馬影后惠英紅去到後台同影帝涂們互相錫手背祝賀，小紅姐接受訪問時表示：「喺台下未宣佈時好輕鬆，一宣佈自己個名嗰陣自己就滿天星斗，自己回頭太快差啲跌到。」佢仲話：「回想到金馬40年嗰陣，台上咁多巨星攞獎，如果自己有份就好喇。之後仲開始揣摩唔同角色，終於達到自己願望。」問到佢下個目標，小紅姐就話：「希望做到一個角色，觀眾見到會『嘩』一聲覺得不得了。」

同時大會公佈評審票數，影帝涂們喺第一輪票選時已經過半數勝出，而影后嘅票數爭持非常激烈，投足四輪先有結果，而第二、第三位就係尹馨同張艾嘉。而最佳電影則投票咗三輪由《血觀音》勝出。今屆金馬獎共有4個獎項落喺香港代表手上，分別係惠英紅《血觀音》最佳女主角、張叔平《擺渡人》最佳造型設計、邱偉明《擺渡人》最佳美術設計及石家俊、黃俊朗、黃梓瑩《暗房夜空》最佳動畫短片。

更多娛聞，喺晒《娛果》
http://fb.com/appledailyent