當年今日
關於我們

  馬丁、阿董火紅火綠 - 李八方

蘋果日報 2002/11/30 00:00


民主黨主席李柱銘噚晚最後一次以主席身份見老董,記得雙方五年幾前第一次見面,大家都笑騎騎,但係噚晚一講到民主、二十三條始終拗到火紅火綠,無法好頭好尾。
馬丁自己講笑,佢唔做主席,老董肯定好開心,而新主席楊森同阿董嘅化學作用唔同,可能佢哋溝通或者可以好啲。但轉個頭,馬丁又推翻之前嘅講法,話自己同老董都捧利物浦,利物浦贏多兩場波,大家都有多啲話題;但係楊森就係曼聯擁躉,呢兩隊波係歡喜冤家,第日曼聯贏咗利物浦,老董同楊森重冇偈傾。

叫阿董認真睇報告
白鴿黨今次都好有心機,帶晒佢哋出嘅經濟報告、施政報告畀老董,馬丁話希望老董今次可以認真睇清楚,唔好係咁意「立」吓,就話白鴿黨只係識批評,其實佢哋都做過好多有建設性嘅建議,只係老董聽唔入耳啫。


傳真︰2623-9278
電郵︰[email protected]