歐陽妙芝今日在調景嶺出席兒童學校開幕，她的14歲大仔跟學校到外國露營，讓他體驗當地人生活兼做探訪，事前她忙於為兒子準備用品，因未試過露營，所以她要一邊學習一邊準備所需用品。年尾大仔便會前往澳洲升學，心中有不捨也要讓兒子學習：「點都要畀佢試下，每個人都係獨立個體，我細個時都好想去外國升學，想跳出框框探索，但冇咁嘅機會，而家小朋友就多啲機會。」

凡事都讓兒子有得選擇，歐陽妙芝細仔遺傳了她的喜好喜歡跳舞，還學跳芭蕾舞：「以前我想學芭蕾舞，媽咪想我學琵琶，因為被逼心態去學，就唔享受學到想喊，後來爺爺支持我學跳舞，而家阿仔鍾意我就畀佢揀。」細仔對演戲亦感興趣，早前為她的朋友拍短片，該片更入圍某個意大利電影節。

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9