官場中人指，因政府不能插手港協事務，港協暨奧委會會長雖是霍震霆，但義務秘書長彭冲卻掌握實權，而不少體育會亦曾私下向政府投訴彭冲處事不公，也有人曾向霍震霆反映，「但係霍公子（霍震霆）係點樣嘅人，大家有眼睇，佢點會去處理」。
有政界及體育界人士稱港協固然有問題，「但民政事務局唔可以話自己冇責任」，指政府成立70億元精英運動員發展基金，大部份用於精英項目，其他非精英項目可獲資源少之又少；至於撥款投放各體育會後，究竟如何運用、是否用得恰當，民政事務局甚少過問，「結果搞到滑冰運動員話要自己畀錢買出賽設備同戰衣，外國仲以為香港係第三世界，政府窮到連少少錢都唔贊助」。
《蘋果》記者