米禾爾目前係今季英甲聯主場成績最差勁球隊之一，主場聯賽榜排名尾二，6戰只得1勝3和2負，最近4場主場聯賽就全部不勝；是役迎戰嘅對手般尼茅夫，係唯一客場聯賽未開勝門球隊，不過今日佢哋受讓，唔識贏波唔代表唔識搶分。近期一直有增兵嘅般尼茅夫，近10場聯賽只輸過1場，當中包括4場作客賽事，呢場擺明下盤格。

尼斯主場迎敵值得追

今季升上英甲聯嘅車頓咸，開季表現原本唔錯，但三幾場之後無以為繼，早陣子連輸5場聯賽，至上仗作客伊奧維，即使對手臨場瘋狂落飛，車頓咸竟然爆冷贏1:0「反底」；今日返回主場，博其氣勢持續，擊敗倒數尾三球隊唐卡士打。
再提供兩場法甲聯，尼斯今季係咁輸波，直至前仗對住「升班馬」華倫西恩斯至打開勝門；現時主場勝率數據依然低開，今周又有主場之利，對手係另一支實力較次分子特魯瓦，值得追捧尼斯主場勝率可進一步回升。
主隊雷恩今季表現中規中矩，勝在主場表現夠平穩；今輪佢哋迎戰對手雖係近況更佳嘅歐塞爾，但歐塞爾下周中有歐協盃賽事要進行，上次踢歐協盃賽事，之前嗰場聯賽就主場打和弱旅色當，今仗就博歐塞爾輸埋，捧主隊。
文:華度