【仲有市場】有意喺泰國置業 羅霖自爆有男性想送樓

蘋果日報 2017/09/30 16:27

泰國羅霖樓盤送樓男性朋友
    羅霖今日喺尖沙嘴出席泰國樓盤活動，早前更到當地拍攝宣傳片兼睇樓，佢話自己有意喺泰國置業，11月會再同朋友去泰國旅行順便睇樓。
    羅霖自爆有男性朋友願意送物業俾佢：「如果接受咗，大家個關係會加深，三年前其實都有朋友話送香港樓俾我，如果收就好似認定咗係男友或者另一半，但我要諗清楚先。」她指送樓嘅人並非要金屋藏嬌，但自己追求愛情，並非為金錢。佢仲話自己雖然離咗婚不過唔係單身，因為自己有三個仔：「作為人母都要考慮清楚，要三思唔可以亂決定，如果唔係每拍一次拖，都要得三個仔批準，為咗佢哋我犧牲將來同金錢，養佢哋都用咗首期咁多錢，但佢哋係我工作動力。」
    empty
    羅霖今日喺尖沙嘴出席泰國樓盤活動，早前更到當地拍攝宣傳片兼睇樓。
    empty
    empty
    羅霖自爆有男性朋友願意送物業俾佢。
    empty
    empty
    羅霖話自己雖然離咗婚不過唔係單身，因為自己有三個仔。