蔡卓妍(阿Sa)同陳偉霆(William)上周日忽然宣佈分手，拍咗拖5年最終分手收場，指佢哋承受咗好壓力，又話佢哋愛情冇想像中咁堅固，才選擇和平分手，不過，今日有周刊又爆，原來「而我不知道」William喺內地人氣急升，一年前已經密謀想甩阿Sa，唔止同大陸花旦趙麗穎拍劇，男方開始用唔同藉口禁阿Sa近呢半年上橫店探班，疑迫使阿Sa提出分手，難怪阿Sa講起同William承受好大壓力，大家都抖唔到氣時，阿Sa忽然有啲眼紅紅，睇嚟仲係要啲時間療情傷。

據報道又指，阿Sa同William拍拖時，曾約定每年都抽時間同對方最少去一次旅行，拍拖初時更被影到同遊泰國，不過，今年William就以冇時間為由，拒陪阿Sa去玩，再者，William啲fans開始攻擊阿Sa結過咗婚、年紀大，襯唔起William，盛傳阿Sa好在意呢啲留言，眼見William又冇出面勸止，William起初都叫阿Sa忍下，後期更提出暫時分開，等William喺事業企穩，到時就唔擔心fans反對，佢哋先至復合。

據知情者向周刊爆料，聲稱阿Sa由頭到尾都唔想分手，佢都好愛William，之但係William就講咗好多次係為阿Sa好先咁做，唔想阿Sa太大壓力，等佢呢幾年再衝下，叫阿Sa畀啲時間佢，阿Sa先無奈答應，William仲搶先5分鐘喺微博宣佈分訊。

報道更稱，William呢次講分手係早有部署，傳阿Sa早年一得閒就會去橫店探班，就算逗留一、兩日佢都照去，不過阿Sa近呢半年被William以唔同藉口阻止，佢哋今年見面時間加埋都唔夠一個月，又指William因為暗交大陸花旦趙麗穎，有敢對方係內地當紅花旦，開工拍《蜀山戰紀之劍俠傳奇》時拍咀戲，一拍三個鐘先啜出真愛，之後再拍埋床戲，兩人喺片場更成日出雙入對，對劇本嘅時候，情不自禁手拖手，有傳阿Sa都收到風，不過William同阿Sa係劇組用佢同趙麗穎宣傳，阿Sa最後選擇相信男友，之但係原來William確係好冧趙麗穎，覺得對方好純品、鍾意笑，好善解人意。吓!唔通真係打完齋唔要和尚?