鄺潔楹和伍樂怡今日在主題公園，戴虛擬實境裝置試玩新機動遊戲，事後鄺潔楹玩到眼濕濕和手震，她說：「戴住眼罩好焗，又有少少手震，現場環境太多雜音，我哋完全唔知道要上去，所以嗰下係有少少嚇一嚇，之後好快喺一片呼叫聲之中完咗。」有沒有嚇到爆粗？鄺潔楹笑說：「忍住唔爆，因為拍節目玩skydiving就試過（爆粗），教練好有經驗，我話唔好跳住，但佢就喺8000呎高空跳咗落去。」

鄺潔楹坦言獲邀玩新遊戲，感到很興奮。伍樂怡則說：「我都鍾意玩機動遊戲，呢個遊戲係一個好新嘅體驗，因為乜都睇唔到，感覺係任人擺佈，睇唔到發生咩事。」提到伍樂怡最近減肥，她說：「兩、三星期減咗5、6磅，仲未達標，因為我目標係110磅，我跑步同配合飲食。」會否擔心減肥而令上圍縮水？她說：「所以要慢慢咁減。」鄺潔楹即說：「你真材實料，唔怕！」

-----------------------------
7月4日起 《蘋果動新聞》只限升級壹會員閱覽
繼續撐蘋果！