當年今日
關於我們

【「兒子」縱火出事】楊盼盼會否破相?羅家英:我哋初初都好擔心

蘋果日報 2018/09/18 19:35

羅家英楊盼盼大地回春

噚日喺大馬拍新戲《大地回春》遇失火嘅羅家英,今日傍晚約六時半返抵港接受傳媒訪問。見家英哥精神好好,令人稍稍放心。今日阿姐汪明荃未有接機,家英哥笑言:「因為知道有你哋(傳媒)接吖嘛。」事發後可是第一時間致電阿姐報平安?「都係等定啲先,再話俾佢聽。」可有嚇親阿姐?「唔知佢有冇嚇親,但我哋已經約咗食飯0架喇。」
家英哥稱昨日曾往探望被燒傷面部和左手的楊盼盼,問及盼盼姐可有破相之虞?「醫生都話冇嘢,只係可能會有啲水泡。可能經過換皮之後就冇嘢0架喇。其實睇落就唔覺嘅,其實我哋初初都好擔心。知道佢塊面係二度燒傷,手係三度燒傷。」他稱意外中受傷的大多是長者,其中一位是86歲的伯伯:「伯伯脊髓移位,而且年紀太大,唔可以再受創,可能要用其他方法治療。」
今日稍早時間家英哥已在微博報平安及揭開意外原因,他寫道:「因汽油隨水流到較低地方,正好是演員站的位置,離火場很遠,應該沒有危險,但意外發生了,汽油搶火,順着水燒到人多處,不到兩秒時間,眾人恐慌走避,有跌倒,有走避不及,二十多人被灼傷了,都是手手腳腳。」方才受訪時,家英哥再詳細解釋經過。
「場戲係講我個仔想收地,但佢又唔知我喺現場,所以放火,最終發生咗呢場戲。當時已經做足安全措施,只係有啲嘢大家始料不及。」家英哥表示事發時眾演員已經站得很遠、與火頭保持一段距離:「拍嗰陣有落雨,地下都濕嘅,工作人員就噴咗啲電油喺柴枝上。因為落過雨、地下濕,加上啲電油喺水面,之後點火時可能電油搶火,大家走唔切。」
家英哥謂拍這些場戲時,他是躲在間屋的水桶中,然後「兒子」縱火。「劇情講我最終係冇事,走番出嚟,所以場戲唔使我拍。如果我有份拍,應該都係企喺前面。」至於這場戲是否需補拍仍是未知。
「盼盼姐當時都想救其他人,可能因為咁慢咗,原先一秒變成兩秒,發生咗今次意外。」家英哥又謂自己見慣風浪,倒是當時有些女演員嚇得尖叫:「都叫咗成個鐘。」可是梁祖儀?家英哥稱不是,但有抱她上車送院:「現場一早準備救護員同消防車,但始料不及。大家都想快啲去到醫院,所以都係用自己車車佢哋去。」他謂幸好大家都有買保險,故全部轉往私家醫院接受治療。
《大地回春》屬賀歲片,雖然發生今次意外,但映期應該不變。家英哥稱盼盼姐原本還有一日就拍完,而他本人仍有戲份未完,但可以「偷雞」不用拍。
empty
攝影:仇志德
empty
問及盼盼姐可有破相之虞?「醫生都話冇嘢,只係可能會有啲水泡。可能經過換皮之後就冇嘢0架喇。其實睇落就唔覺嘅,其實我哋初初都好擔心。」
empty
事發時家英哥不在現場,他稱:「劇情講我最終係冇事,走番出嚟,所以場戲唔使我拍。如果我有份拍,應該都係企喺前面。」
empty
empty
今日阿姐汪明荃未有接機,家英哥笑言:「因為知道有你哋(傳媒)接吖嘛。」