AC米蘭近6場聯賽只嘗1勝，夠悲哀；若借用澳彩亞洲盤概念，更是6場都輸盤。上周中歐冠盃對里爾，AC主場再輸，雖則屬例行公事，但已令教練安察洛堤激到生蝦咁跳，勒令今仗主場要贏番場。
好彩，基拿甸奴、奧利華拉及波里路等鋒將總算拾回射門鞋，後備門將卡勒一再甩手，被訓話後必小心作賽。我信AC米蘭今仗在派路停賽下仍可反底，1.35倍單W最宜作熱葷過關膽。
至於取半場主客和主W，是由於AC米蘭今季一係唔贏，贏得的話，多數半場已領先（見附表）。既然教練開聲，眾將一定搶攻，半場領先機會高。反正「主勝」得2.1倍、半全場「主/主」亦只得1.8倍，博1.72倍半場W最合心水。

拖連奴3連勝，近況甚勇，惟今季作客遇強隊幾乎必敗，例如對烏甸尼斯、巴勒莫等實力分子俱食蛋，而兩星期前作客贏阿特蘭大，純粹因對方缺4大主將而成功偷雞，可一不可再。另外，廸羅列圖是客軍中後場的重心球員，停賽影響不小。
筆者已不是第一次貼拖連奴半場輸，上月中拖連奴作客負巴勒莫0:3，拖連奴一直到完半場前才失守，保住半場主客和主W，望今次不須再食驚風散。
若堅持向「讓球主客和」埋手，拖連奴今季防線已不止一次在失球後即時散晒，招致大敗，故2.1倍「主勝」仍具一定的押注價值，我同時推介AC米蘭贏2:0，但重申，論值博率應不及吼半場主客和主W。