「呢隻魚其實好抵食㗎，仲好好味㖭，煎又得、煮又得、清蒸又得，攞嚟做魚柳特別正，用嚟曬鹹魚都得…」香港新界養魚協進會理事長黎來就昨日表示，俗稱非洲鯽的福壽魚約佔本港淡水魚養魚業界的一成產量，本港每天另從廣東省輸入約5,000斤福壽魚，主要透過街市售予市民食用。

黎來就說：「非洲鯽好粗生㗎，差唔多有水嘅地方佢就可以繁殖落去，沙田城門河呀，周圍都見到佢哋嘅蹤影。八、九十年代好多香港人都鍾意食佢，𠵱家喺元朗嘅批發價每斤先5、6蚊，街市賣10蚊咁上下，但傳媒呢幾年報道話非洲鯽唔乾淨，所以愈嚟愈少人食佢。」
除福壽魚之名外，非洲鯽在內地被稱為「羅非魚」，是一種廣泛生長於熱帶和亞熱帶地區的中小型魚類。由於非洲鯽具有生長快、產量高、食性雜、適應性強、病害少等特性，加上肉質鮮美、細嫩、骨刺少等優點，而價錢平宜，因而頗受一般市民的歡迎。
本報記者