AKB48兩名成員川榮李奈及入山杏奈，日前喺握手會上被狂徒斬傷，經治療後幸無大礙，並已經出院。

川榮今日再度入院檢查，仲喺醫院接受原本有份演出嘅直播節電話訪問，聲稱自己已十分精神，而且澄清離隊傳言，佢話唔會離隊。

至於入山噚日就喺Google+晒受傷手指公包到一大嚿嘅照片，並且感謝各界對佢哋嘅關心。

而今早日本警方到疑兇位於青森縣十和田市嘅住所進行搜查，警方喺疑兇家中搜出兩張AKB48嘅CD，仲公佈話疑兇將行兇嘅鋸子改裝，喺鋸背貼上咗好多塊刀片，而事發後現場亦發現好多塊刀片散落咗喺地面。


【壹錘定音.李慧玲】6月4日早上8點正式開咪!
即like【壹錘定音】facebook專頁！
https://www.facebook.com/hammerout.hk