當年今日
關於我們

【蘋果實測‧聖誕燈飾】街坊話:我會咁揀....

蘋果日報 2018/12/20 21:08

USB供電LED燈聖誕節電器過熱聖誕燈飾

《蘋果》實測市面多款熱賣聖誕燈飾,發現有至少有4大危險,其實不少市民對選購燈飾都各有心得。陳女士指會注意是否有保險絲,「燈膽會唔會容易過熱,因為小朋友好容易去摸佢,會不會燙傷呢?最好有三腳插,如果係兩腳插就唔會買。」她指家小朋友今年不會裝燈飾,因為「佢實會扯」電線,擔心發生意外。
李小姐指兩腳插頭燈飾不安全:「(兩腳插)不可在香港用,要用香港用的插頭,而且避免過多轉插位,否則會過熱、超負荷。」她又指燈飾不太環保,很多人使用後會棄置,自己不會安裝。
吳先生指兩腳插頭香港禁用,絕不購買這類燈飾:「你睇插頭,咁樣的?是不是不好呢,因為安全的插頭是三腳插,這是常識,所以我不裝(這種)。」
麥小姐則指兩腳插頭「唔合格」,「因為兩腳容易漏電,電線容易有裂口位,燈泡會過熱,燈泡邊有膠、過熱會溶,會令到電線出現問題。」她稱一定會買三腳插頭的燈飾,並會檢查燈泡,確保電線沒有裂縫才購買。
黃小姐則注重電線品質:「我會睇電線有冇斷,因為如果電線斷就會漏電。盡量都係買三腳插,因為兩腳可能唔係本地生產。」黎先生亦指兩腳插頭燈飾「做得求其」,包括LED燈接駁位及電線位:「好容易甩出嚟,漏電就好危險。」許先生則指會試燈:「留意會唔會過熱,如果係正貨LED燈唔會過熱。」
empty
麥小姐指兩腳插頭「唔合格」,電線易有裂口位。(張軍攝)
empty
許先生指會特別留意燈飾會否過熱。(張軍攝)
empty
陳女士指今年不會裝燈飾,擔心小朋友扯斷電線發生意外。(張軍攝)
empty
李小姐指越多接駁位越危險,裝燈飾亦不環保。(張軍攝)
empty
吳先生插兩腳插不安全,絕不會使用。(張軍攝)
empty
黃小姐表示注重電線品質。(張軍攝)
empty
黎先生亦表示市面兩腳插頭「做得求其」,容易鬆脫。(張軍攝)