當年今日

聞前夫開記招狂笑
寶詠琴深入元朗搵神醫

蘋果日報 2002/03/28 00:00


寶詠琴日前狂數前夫劉鑾雄,又爆他曾與圈中多名女星拍拖。昨日劉鑾雄召開記者會指寶詠琴受人挑撥,誤信他發放其急性腎衰竭入院的消息,更發毒誓以示清白。寶詠琴昨日專程到元朗拜訪替羅文治癌的神醫陳伯,對大劉的言論她僅以大笑作回應。
寶詠琴於本周一(二十五日)往港安醫院洗腎時,接受某周刊訪問,狂數前夫劉鑾雄(大劉)之餘,更表示有生之年都不想再見這個人,她指大劉發放她急性腎衰竭入院的消息,並扣減其贍養費及她母親每月五萬元的零用錢,並大爆前夫與圈中女星的戀情。對此,劉鑾雄於昨日開記者會一一澄清。

羅文助手陪睇症
昨日周刊出街後,寶詠琴於早上十一時許離開馬己仙峽道的住所,先到羅文位於跑馬地的家會合羅文助手阿東,再往元朗八鄉找曾經替羅文治癌的神醫陳伯睇症。
寶詠琴落車時與阿東手拖手,但對記者詢問有關劉鑾雄昨日就她接受周刊訪問的內容召開記者會一事,她只是笑而不答。睇症後寶詠琴於下午一時左右離開,只見她手裏拿着數袋藥,記者向她表示大劉認為她接受周刊訪問是有人從中唆擺,寶詠琴聽後突然放聲大笑,但仍不作回應。
其後寶詠琴往跑馬地譽滿坊菜館購外賣,然後再到羅文家,逗留約四十分鐘後便返回自己的寓所。

對前妻絕無惡意
而劉鑾雄昨日就寶詠琴接受周刊訪問一事,於早上十一時半在灣仔公司召開記者會。大劉強調自己對前妻並無惡意,又謂始終是一場夫妻,所以仍關心對方,而且寶詠琴亦有言論自由。
大劉說:「我同佢離婚十年,加埋之前分居兩年,總共分開咗十二年,佢曾經公開講過佢放唔低,同埋有怨恨,如果佢咁講我可以令佢減輕呢十幾年嚟嘅痛苦同埋唔開心,都不失為一個方法,我都無話可說。佢接受訪問講嘅嘢有幾多係事實,或者唔係事實,其實都唔重要,我希望佢開心,早日康復,身體健康。」
指有人煽風點火
大劉又表示不想就前妻所講的話繼續糾纏下去或回應,他說:「家家有本難念的經,邊個啱邊個錯都唔重要。但有兩件事我覺得幾搞笑,有人同我講,話出面傳係我將寶詠琴入院嘅消息發放畀傳媒,之後又將佢嘅病情同出院時間話畀傳媒聽,我從來冇咁做過,但竟然俾人屈。
「雞春咁密都孵得出仔啦,每間報館有自己嘅網絡,如果我有直接或者間接發放呢啲消息嘅話,我全家大細絕子絕孫不得好死!
「另外又有人話我三次去醫院探前妻,目的係博出位同博影相,我真係覺得幾好笑,有人喺中間攞住把芭蕉扇撥火,最好笑就係有人會信。挑撥嗰個人明知唔係事實,但都要去講,否則人哋點會做訪問講咁多嘢吖!」

為愛子兩度探病
大劉續說:「當日我去探佢,係因為個仔打電話畀我,話媽咪嘅病情都幾危殆,我都估唔到有記者在場,之後我再去,一嚟係探佢,二嚟又可以見吓個仔,大家碰吓面。我放料有乜動機、有乜利益先得㗎?而且我去探病亦冇同傳媒講任何嘢,明知呢個時間講嘢好敏感,而且我嘅身分亦唔方便講任何嘢。」
寶詠琴在訪問中,又聲稱根本不想大劉探自己,記者昨日問大劉事前寶詠琴可有向他說過此事,他說:「冇,如果人哋同我講咗,你話我重會唔會去吖?以後會唔會探佢我唔敢講,我唔係怕承擔,而係地球會轉人會變,講咗咪盞搞,邊個贏晒邊個輸晒咁又點啫,健康先至最緊要。」
熱心人送贈藥方
問大劉可有介紹醫生給寶詠琴時,他說:「有好多唔識嘅人打電話同fax啲藥方嚟公司,又話介紹醫生,另外都有朋友同我提過話知道中國有啲醫院醫腎病好好,我都叫助手fax啲資料去畀佢(寶詠琴)秘書㗎。」
寶詠琴爆大劉曾與多名圈中女星交往,問大劉可會怕日後沒有女人敢和他交往,他說:「如果真係咁,驚都冇辦法,正如有啲人先天性有缺陷,避都避唔到。」

心情未有受影響
有記者問大劉可覺得今次爆料事件有人在幕後操縱,他說:「你呢個問題問得轉數好高,但我都答唔到呢個問題,我會諗諗嘅,我希望唔係啦!」
大劉更表示未有為此事影響情緒,他說:「我只可以用兵來將擋水來土掩嚟形容,有好多嘢避都避唔到,惟有堅強啲勇敢面對。」
採訪:張止寒
攝影:羅德光、仇志中