中國為咗反擊美國，最近公佈對美國128項進口產品加徵15%或25%關稅。商務及經濟發展局局長邱騰華出席活動嗰陣回應事件，話依家難以分析中美貿易戰對本港嘅具體影響，不過佢講嘢嗰陣企咗喺一幅畫前面，咁啱畫入面個人係倒轉咗嘅，局長個頭一併埋去，就形成「高官與屁股」嘅有趣畫面，所以揀啱背景真係好重要。

邱騰華似乎唔知背景出事，繼續解畫，話香港作為中美之間貿易嘅重要轉口地方，有成7%至9%嘅中美貿易會經香港轉口，任何貿易糾紛都會影響呢啲生意，佢希望兩地政府審慎合理咁處理事件，又強調局方一直有同本地商會聯絡，留意清單入面有幾多項同本港有關，再評估對本港嘅影響。

《蘋果》沙士15周年系列網站，正式登場：
https://hk.feature.appledaily.com/sars15/