走在潮流尖端的徐濠縈（阿徐）向來大膽又敢着，近幾個月大玩tone-on-tone穿搭，由全白、全粉色至上月日本旅行日日都全桃紅造型，不過最近阿徐染左個紅色頭，就改玩全紫Mix & Match。

阿徐post 新相，着上紫色間條衫及同色長褲，配搭黃綠色的Chanel Gabrielle手袋及Celine的黃色太陽眼鏡，腳踩愛牌Nike x 美國潮人Sean Wotherspoon的聯乘Air Max 97波鞋，3月26號先正式發售，但阿徐當然又唔洗等直接率先着上腳，黃色由頭點綴造型到腳，別具心思，繼續成功搶fo。