練馬師文家良今期（27日）手馬都幾惡，全晚四駒列陣，分別有「森林之王」、「叫關健康」、「小島怡情」及「開心歡星」均是有備而來，唔單只工夫做到加零一，匹匹都有實力。

今朝（26日），見倉主文家良穿梭多位有合作嘅騎師之間，有傾有講。到接近收操時份，倉主更捉住楊明綸雞琢不斷，傾談吓出擊部署。

周三晚（27）谷中夜賽頭場嗰匹「森林之王」正正就由楊明綸主理上陣，今次轉戰窄場，對手實力較上仗次一皮，應該會賺到啲級數，想搏命都應該係呢次。