當年今日

【曾遇嚴重車禍】有創傷後遺症照當兵 29歲丁一宇今低調入伍

蘋果日報 2016/12/08 13:58

入伍丁一宇灰姑娘與四騎士

韓劇《灰姑娘與四騎士》嘅29歲男星丁一宇上月尾透露自己將於今個月入伍,不過就話唔想麻煩到人,就冇透露具體嘅入伍日期。不過今日就有消息指,於韓國時間今日晏畫1點左右,丁一宇已經到論山訓練所進行訓練,低調地於今日入伍。丁一宇將會先進行4周嘅基礎訓練,之後就會以公益兵身份服役。
曾於2006年旅行途中遇上嚴重車禍嘅丁一宇,因為身受重傷並有腦動脈瘤等創傷後遺症,原本可以申請免除兵役,不過佢本人決定照常履行國防義務,獲粉絲大讚。