今季焦點必定係韋達開倉，貴為13屆冠軍騎師，從第一場頭馬「東北烈馬」到「白鷺飛翔」共贏1,813場頭馬，呢兩個紀錄睇怕有排先會被打破。騎而優則練，相信好多馬迷都對達少寄予厚望，今季幾可肯定成為馬迷重點投注對象之一。

睇番近季開倉之練馬師，13至14年賽季嘅容天鵬、蘇偉賢，前季羅富全及上季嘅丁冠豪，都可於首季即取得不錯成績，其中羅富全首季更以65場頭馬獲亞軍，僅次於其師傅蔡約翰。

眾所周知達少從騎時期人緣好，如今開倉肯定不乏支持者，最大隱憂可能就係獲編配進駐奧運馬房，幸好副練薛順強曾於奧運馬房工作，對環境及設施有一定認識，相信對達少有不少幫助，且看韋達能否繼告東尼之後成為另一位騎練皆冠人馬。

-----------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9