日本組合HKT48一姐指原莉乃,噚晚喺twitter度上載咗一張相,係一個跌爆咗嘅iPhone6,佢又再次整爛咗自己部手機,佢仲留言話:「搞乜呀?破壞王。」
原來指原今次唔係第一次跌爆手機,佢去年亦都因為自己跌倒而跌爛咗部手機,由於之前指原係用緊iPhone5,大家就懷疑佢跌咗完iPhone5再跌爛iPhone6!佢好肉赤咁話今日又要再去買過部新手機,又不停咁喺twitter上面問人啲資料點樣搬。
今日指原又再喺twitter上面叫啲朋友搵佢,因為手機爛咗,冇晒啲電話號碼,連line都用唔到,叫大家畀番啲電話號碼佢,認真論盡。