新公司成立攞頭威
鄭俊弘出星夢第一碟
鄭俊弘(右)爭贏許廷鏗做星夢一哥,明年5、6月率先出碟。
無綫合併星煥唱片組成星夢娛樂集團有限公司,昨日假尖東舉行成立典禮,《星夢傳奇》冠軍鄭俊弘以一哥姿態率鄭世豪、姚兵、羅鈞滿和王君馨加盟,星煥歌手許廷鏗、吳若希和胡鴻鈞順利過檔,除了不見因經理人合約問題拒簽星夢的謝安琪和Super Girls外,鍾嘉欣和鄭欣宜都沒現身,原來欣宜仍未動筆簽約。
星夢CEO何哲圖堅稱嘉欣會簽約,昨因拍劇缺席記者會,他說:「欣宜仲有好多細節要傾,公司畀好好offer欣宜,總之錢多過星煥,年期都唔係問題,但陳太(欣宜經理人陳淑芬)要諗清楚,身邊好多auntie要交代。」至於謝安琪和Super Girls的舊約年尾終止,公司會幫她們安排發展方向。
鄭俊弘獲力捧安排首位出碟,爭贏許廷鏗做一哥,鄭俊弘說:「唔好講爭,自己幸運啫,我都好期待。」對於生日被影到與緋聞女友姜麗文過夜,他尷尬說:「呢啲唔好講。」問會否拉港視的姜麗文過檔?他說:「自己冇能力。」爭輸一哥的許廷鏗則說:「我邊有爭一哥,邊敢呀。」王君馨就開心到喊,說:「我好鍾意音樂,做完星夢感覺好低落,有份簽星夢終於夢想成真。」
另無綫助理總經理區偉林宣佈《勁歌金曲》改遊戲規則,2014年取消要合約歌手派歌才可參與的規矩,他說:「無論友好同唔友好嘅公司,最好友好啦,都好歡迎佢哋參加,無綫成日俾人話黑箱作業搞小圈子,𠵱家堅持搞全民投票。」
採訪:楊潔雯
攝影:陳俊強
足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24