吳家麗首次執導嘅《有客到》噚晚喺旺角朗豪坊舉行優先場，佢話：「第一場爆咗，好多朋友話買唔到飛，估唔到票房係咁，自己有少少驚嚇，今日優先場係農曆七月一號，亦係暑假第一部香港本地原創恐怖片，故事發生喺香港，希望香港人支持番本地電影。」

問到家麗之後有乜計劃？佢話：「都有，但唔再拍鬼片，想轉形象，拍另類題材。」問佢寫劇本未？佢話：「其實都傾緊呢個大計劃，呢個計劃都好震撼，希望拍檔團隊令大家耳目一新。」