今有網民在春節假期後發起三罷黎明行動，促請政府全面封關，清晨開始有多個東鐵綫車站路軌遭雜物阻塞，令列車服務受阻。有市民雖然今日恢復上班，但對堵路行動表示理解和支持，希望政府盡快全面封關對抗疫情，有市民甚至表示「如果只係塞15分鐘，（政府）就肯封關，就算塞15個鐘，我都願意！」　

任職社福界的李先生表示，今早由上水到大學站，塞了15分鐘，「幾乎站站停」，他坦言「雖阻我，但明白，對抗政權諗唔到有咩折衷方法，大家不斷嘗試運用唔同方法令政府接受民意，當見到政府冇任何政策，惟有自救，我哋用緊民間智慧，用唔同方法希望政府回頭，我完全體諒佢哋（堵路）嘅做法，如果塞15分鐘，就肯封關，咁塞15個鐘，我都願意。大家嘗試唔同方法，對我來說，只係小小唔方便，可以接受。」

李先生又說，「想政府知道，點樣都好，人命最重要，最緊張係會否有香港人因為呢個病而死，責任係咪歸咎於政府做得唔好，香港人希望唔好有人命傷亡。」

而溫先生不知今日有三罷堵路行動，但認為有全面封關需要，以免疫情擴大，對於有市民發起另類抗爭行動促請封關，溫先生說「唔會麻煩」，因政府實在做得不夠。李小姐指今日巴士班次疏落了，對於網民發起的堵路行動，她表示絕對支持，並不介意。政府遲遲不肯全面封關，她表示無奈，「呢個係垃圾政府。」

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568