【新增動新聞】

英格蘭球星朗尼過去一直都係非常鍾意杯中物，不過不時飲完酒都會出事，之前就試過喺機場公眾場合醉酒行為不檢畀華盛頓警方拘捕。之後為咗挽救同老婆高蓮嘅婚姻，之前就決定去見輔導同埋戒酒。不過，最近朗尼又畀《太陽報》狗仔隊捕捉到，佢同班隊友一齊落bar飲嘢，玩到5點半先返酒店，仲有女伴一齊上酒店房。《每日郵報》就報道，朗尼夜蒲攬女的照片曝光後高蓮震怒，現身柴郡街頭時手上已沒有戴婚戒。

據《太陽報》嘅報道，有指喺華盛頓聯隊輸畀溫哥華白帽個晚，就同幾位隊友一去飲嘢。朗尼身穿一套灰色嘅連帽衛衣，而佢一直都戴住頂帽，非常低調。落第一間club飲嘢嗰陣，據知情人士報料，本身朗尼都係自己坐埋一邊玩手機，自己飲rum酒同可樂。不過之後就開始同在場嘅金髮靚女玩，兩個人就係咁咬耳仔，朗尼攬任女方條腰。

之後佢哋一行人再轉場，飲到差唔多5點半先返去球隊嘅酒店，但就被人影到佢同一位着白色衫嘅女子一齊喺酒店大堂，有講有笑咁入咗電梯，不過後事喺點發展就不得而之。而目前朗尼嘅經理人可能因為無資料喺手，所以無講任何嘢。

至於高蓮，報道話佢喺朗尼攬女嘅相曝光之後飛咗去美國，要求朗尼提早同華盛頓聯隊解約返英國，而高蓮返到機場嘅時候左手無名指原本仲戴住結婚戒指嘅，但之後再現身柴郡街頭去購物，手上隻戒指已經唔見咗。朗尼較早時候已經落實咗，喺明年1月離開華盛頓聯隊加盟英冠嘅打比郡做球員兼助教。

--------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
--------------------
82頁英超開季特集
Big 6實力全面分析
點擊即睇： https://hk.adai.ly/e/V1MBNAfGTY
--------------------
《體蘋果》陪你睇波講波
https://www.fb.com/appledailysports