盧婆婆居於馬鞍山,大廈隨着年月耗損,單位內的裝設殘舊不堪,其中廁所更成為「重災區」。「呢幾個窗已經霉到爛,關唔埋,好怕真係有一日會跌落嚟整親我,如果跌落街整親人就更加唔好。」盧婆婆指着廁所內一扇生滿銹迹的氣窗對記者說。
廁所牆身殘破
此外,就記者所見,單位廁所批盪嚴重剝落,相信乃滲漏所致。盧婆婆表示︰「啲水都唔知喺邊處走出嚟,搞到牆身啲批盪都撲晒出嚟,髹極都無用。」
七十八歲的盧婆婆,丈夫去年病逝,膝下有四名兒女,大部份在鄉間生活,只有一名幼子在港,惟他有家庭負擔,自顧不暇,盧婆婆現靠綜援金生活,僅足以應付基本的生活開支。
性格獨立的盧婆婆,過往除了肩負照顧老伴的責任之外,連家居維修也親力親為,無奈近年身體愈來愈差,許多時有心無力。「往時啲小意思,我都係自己整,買啲油、買啲英泥番嚟自己批盪,慳番啲錢,不過,𠵱家身體唔好,無本事囉。」盧婆婆於九七年及九八年分別因胃病及十二指腸發炎動過手術,另她亦有糖尿病,白內障及風濕痛症,需長期服藥。
近日天氣轉冷,盧婆婆因為廁所的氣窗框生銹無法關閉,她又無力負擔數千元的維修費用,惟有透過社工向本報求助。