何家四房個囝囝猷君，今日送咗個「驚喜」俾四太——事緣佢個ig今日忽然post咗一張黑底白字、寫上Ittakesarealmantorealizethatonewomanisenough字句，大概指要真正嘅男人才會認定一個女人就夠了，似乎向女友認錯咁款。配圖仲有段文字，「疑似」猷君以英文留言，向女友Yumi道歉，大概意思係指:「我這兩個月也曾背着Yumi叫過妓女兩次，並不是每個人都值得有第二次機會。」(新聞連結: http://bit.ly/1jq1ZMr )

要公開道歉咁緊要？伏味好濃喎……

方才何猷君於ig出po，嗌大家請冷靜，話:「不好意思各位！我戶口給一個MIT朋友給Hack了！各位請冷靜！」

猷君解釋番，佢個ig戶口俾其美籍同學入人侵，對方仲係麻省理工嘅天材，猷君打趣謂友人都唔知道依家佢個ig戶口俾傳媒監察住，又笑指麻省同學愛整蠱人，入侵社交網絡，只係小意思而已。

四太放心晒？未住。其實換言之，係咪即係猷君嘅同學，都知道/認定了猷君嘅另一半，就係被指係「變臉女星」而且成日出招迫猷君將戀情「上水」嘅Yumi？