馬浚偉（馬仔）自導自演的電影《生前約死後》晚上在銅鑼灣舉行首映，一班演員包括顧美華、余香凝和黃定謙等悉數現身，馬仔透露已替電影向多個競賽獎項報名，最終有幾多入圍則要看評審口味，又稱不論有獎與否都會積極參與金像獎。拍檔顧美華則大送「高帽」，看好馬仔會憑電影奪最佳男主角：「我唔會講大話㗎！」問到馬仔的執導功力？顧美華說：「攞唔攞到獎要睇對手，希望佢得啦。」

受近來社會氣氛影響，馬仔和顧美華都認同會因此影響票房，馬仔稱：「想睇嘅觀眾自然會睇，今次係純港產片，希望大家支持本地製作。」然而，馬仔依然對電影充滿信心：「做咗好多優先場，唔只女觀眾，連男觀都睇到喊。」顧美華笑言：「我自己睇嗰場，聽到好多人摷紙巾聲。」馬仔又稱有感目前市道差，未來會多留港製作，望為娛樂圈出一分力。

另外，余香凝亦大讚馬仔在電影中表現出色，更睇好他有望新晉導演的獎項：「馬仔作為新導演，拍攝時好清楚自己要咩，而且後期剪接亦幫到我好多。」馬仔則說：「我覺得自己在現場做得未夠好，但剪接救咗我。」

余香凝又透露現正拍攝ViuTV新劇，跟一班劇中對手相處融洽：「成班男仔都好精力充沛，收工仲會去飲嘢，跟得佢哋多自己都變得『好麻甩』。」聖誕將至，單身的余香凝坦言怕孤獨，幸而今個聖誕有工開，不用孤身過節。

採訪、攝影：曹家誠

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇