08年冠軍姚佳雯即場畫圖案呼籲靚女參加亞姐，彎身露出波罅成功搶鏡，但訪問時她表示：「身上件晚裝係公司安排，因為之前冇時間試身，所以都係o黎到現場著起先知有呢個谷胸效果。」

一班亞姐包括應屆的王欣、維他以及劉曉智，聯同姚佳雯和08年亞軍顏子菲等人，今日悉心打扮在亞視出席今年亞姐競選啟動禮。

亞視高級副總裁(製作)葉家寶澄清今年亞姐不會縮皮，初步估計全部製作費約3000萬。