雷神莫雷拉陣上表現越來越古怪。

近年雷神成為香港最受歡迎騎師，每年頭馬數字破盡香港紀錄，騎乜馬都可能贏，但收到少少風聲，佢家人反而唔太想以港為家，而且佢本人想落戶歐洲，想挑戰外地世界級騎師，反正佢正當打之年，面向世界係非常合理。

最近發覺佢處理一些熱門馬，唔似以往咁勢如破竹贏返終點，往往更加在鞍上一些不需要動作，有時看似以為隻馬有傷，近期連叮多隻大熱，大大話輸過億，有場佢自動波提早收韁，被馬會停咗佢兩日，目的應該想俾佢知道馬會有少少不滿，希望佢自我檢討。

雷神還要馬不停蹄澳洲、香港兩邊走，體能時差其實一定有影響陣上發揮，如果佢啲馬太熱，少捧為妙。

今期10.1我喜歡兩隻華將馬，第一場吳嘉晉之「萬事欣」上場季內初出頂到第四名；復課馬見身輕，展步有彈力，坐位望贏。

第十場梁家俊之「平湖之星」上場贏馬時間佳，升班磅輕有利，馬又易操控，應該可以再勝。

文：沈國成(Now668台賽馬主持，Now668台今期賽日中午12時直播賽馬直擊)